Tiranë – Protesta e studentëve para Ministrisë së Arsimit është përshkallëzuar, pasi Policia e Shtetit ka ndërhyrë pas vendosjes së një barrikade në hyrje të institucionit.
Sipas informacioneve nga protesta, efektivët kanë nisur shoqërimet e para të studentëve protestues, ndërsa në rrugë ka dalë edhe autoboti i policisë, i cili ka hedhur ujë në drejtim të turmës.
Situata mbetet e tensionuar, ndërsa ndërhyrja e policisë vjen në një moment kur studentët kanë intensifikuar protestën e tyre para Ministrisë së Arsimit.
