🇬🇧 Read this article in English →

Në një hap që ngjall hije të së kaluarës më të errët moniste të Shqipërisë, qeveria ka paralajmëruar masa represive që prekin direkt të drejtat themelore të njeriut.

Ky diskutim për sanksione administrative vjen si një përpjekje e hapur për të frikësuar dhe gjunjëzuar zërin qytetar.

Përpjekja për të përdorur sistemet e kontrollit kufitar si mjete ndëshkimi politik ndaj atyre që ngrenë zërin kundër pushtetit, ngjason me metodat e izolimit të ish-regjimit të Enver Hoxhës, ku liria e lëvizjes dhe e drejta për të ikur jashtë shtetit kontrolloheshin me miratim politik nga Partia-Shtet.

Ndonëse zyrtarët deklarojnë se këto masa synojnë vetëm individët që kryejnë akte dhune, krijimi i listave administrative pa një vendim të formës së prerë nga organet e pavarura të drejtësisë përbën një shkelje flagrante të parimeve të shtetit të së drejtës.

Kushtetuta e Republikës së Shqipërisë e përcakton qartë te Neni 38 se liria e lëvizjes jashtë shtetit është e patjetërsueshme dhe mund të kufizohet vetëm me procese të rregullta ligjësie, e jo përmes vullneteve apo paketave politike të radhës.

Nxitimi për të hartuar “lista të zeza” dhe për të goditur lirinë e lëvizjes dëshmon një qasje autoritare dhe një dështim të qeverisë për të adresuar me dialog dhe transparencë shkaqet e vërteta të revoltës qytetare që ka përfshirë Tiranën./ Kapitali.al