Muaji gusht nuk do t\u00eb jet\u00eb periudh\u00eb pushimesh p\u00ebr ministrat e qeveris\u00eb Rama 4.<\/p>\n
P\u00ebrpara nisjes s\u00eb sesionit t\u00eb ri parlamentar, kryeministri Edi Rama do t\u00eb zhvilloj\u00eb takimin tradicional informal t\u00eb kabinetit qeveritar, i njohur si “retreat”, ku ministrat do t\u00eb raportojn\u00eb mbi pun\u00ebn e deritanishme dhe objektivat p\u00ebr muajt n\u00eb vijim.<\/p>\n
Sipas Top Channel, mbledhja \u00ebsht\u00eb planifikuar t\u00eb mbahet m\u00eb 24 dhe 25 gusht n\u00eb Pogradec. Gjat\u00eb dy dit\u00ebve t\u00eb pun\u00ebs, secili minist\u00ebr do t\u00eb paraqes\u00eb bilancin e institucionit q\u00eb drejton, si dhe prioritetet q\u00eb do t\u00eb ndiqen n\u00eb vijim t\u00eb mandatit t\u00eb kat\u00ebrt qeveris\u00ebs.<\/p>\n
Por ky takim pritet t\u00eb ket\u00eb r\u00ebnd\u00ebsi edhe p\u00ebr zhvillimet politike brenda shumic\u00ebs socialiste. Burime nga Partia Socialiste nuk p\u00ebrjashtojn\u00eb mund\u00ebsin\u00eb q\u00eb n\u00eb dit\u00ebt e para t\u00eb shtatorit t\u00eb mblidhet edhe Asambleja Komb\u00ebtare, p\u00ebrpara se Kuvendi t\u00eb nis\u00eb punimet m\u00eb 7 shtator.<\/p>\n
N\u00ebse kjo mbledhje zhvillohet, ajo mund t\u00eb sh\u00ebrbej\u00eb edhe si momenti kur Edi Rama t\u00eb shpall\u00eb nj\u00eb riformatim t\u00eb kabinetit. Brenda PS-s\u00eb prej jav\u00ebsh flitet p\u00ebr ndryshime t\u00eb mundshme n\u00eb t\u00eb pakt\u00ebn gjasht\u00eb ministri, megjith\u00ebse vendimi final mbetet ekskluzivisht n\u00eb dor\u00ebn e kryeministrit.<\/p>\n
Z\u00ebrat p\u00ebr l\u00ebvizje n\u00eb qeveri jan\u00eb shtuar edhe pas prezantimit t\u00eb dokumentit “Besa”, t\u00eb cilin Rama e ka cil\u00ebsuar si modelin e ri t\u00eb funksionimit t\u00eb administrat\u00ebs dhe qeveris\u00eb gjat\u00eb mandatit t\u00eb kat\u00ebrt.<\/p>\n
Nd\u00ebrkoh\u00eb, n\u00eb rast se mblidhet Asambleja Komb\u00ebtare, n\u00eb rendin e dit\u00ebs pritet t\u00eb p\u00ebrfshihet edhe propozimi i depozituar nga kryetarja e Kuvendit, Elisa Spiropali, p\u00ebr nisjen e nj\u00eb dialogu komb\u00ebtar mbi nj\u00eb marr\u00ebveshje t\u00eb re p\u00ebr Shqip\u00ebrin\u00eb.<\/p>\n","protected":false},"excerpt":{"rendered":"